انا ارفض اذن ...انا موجود

يحزنى و يحز فى نفسى ما الاقيه من ابناء وطنى من حرق دمى والمحاولات المستميتة منهم للقضاء على اخر خلية حية قادرة على التفكير فى مخى

ياناس...ياهو ياللى خايفين على بلدكو , سياسية طاطى راسك لغاية الطوفان ما يعدى و اصبر على جار السو لغاية ما يرحل دى متنفعش تانى

المجلس عسكرى طالما نصب نفسه علينا وكيل و فرض علينا حكمه يبقى من حقنا ننتقده ونناقشه و نوجه كمان...كفاية مطاطية و اخد على القفا

احنا فعلا بقينا عاملين فعلا زى مقولة سمعتها يوم الجمعة 27 بتقول ان : الشعب المصرى بقى موقفه من المجلس العسكرى زى الست اللى عارفة ان جوزها بيخونها و عاملة نفسها مش واخدة بالها عشان بيتها ميتخربش

لازم نغير من طريقة تفكيرنا و سلوكنا و نبص للعلاقة المتبادلة بين الحاكم و المحكوم بطريقة عصرية شوية تضمن لنا ان عمرنا ما هنستعبد تانى و لا ان بلدنا تتهان تانى...و على فكرة ده لا هيعطل عجلة الانتاج و لا هيوقف المراكب السايرة و لا هيخلى البلد تفلس و لا حتى هياثر على الاستقرار لو حصل بطريقة متحضرة


عبر عن رايك و ارفض و اصرخ..مفيش سكوت

 سكوتك يعنى تربية دكتاتور جديد

مصر خط احمررررررر 

انا ارفض التحقيق مع ريم ماجد و عرباوى و نبيل شرف الدين